Безбедноста во сообраќајот, иселувањето на младите и врсничкото насилство се темите на кои дискутираат средношколци од неколку градови во земјава на годинешната еднодневна работилница во Собранието на Република Северна Македонија насловена „Млад франкофонски парламент“ , едукативна активност „Имам став!“
Едукативната активност „Имам став!“, е симулација на процесот на разгледување предлог-закон во Собранието на Република Северна Македонија. Со тоа се стимулираат учесниците да развиваат сопствени ставови за актуелни политички теми, кои ќе ги бранат со аргументи пред останатите учесници. Целта е да се најде решение кое ќе биде прифатено и поддржано од мнозинството учесници.
Работилницата е подготвена по примерот на едукативната активност „My Point of View“, што ја организира Сојузниот парламент на Швајцарската Конфедерација.
Извор: 24vesti.mk
