реклама
Христијан Мицкоски, лидерот на ВМРО-ДПМНЕ денеска кажа дека властите одат да ја молат меѓународната заедница да доаѓа тука и да врши притисок врз ВМРО-ДПМНЕ со цел нејзините пратеници да гласаат за уставните измени, откако во петокот почна процесот во Собранието.
„Луѓето од власта одат, коленичат пред светот и ја молат меѓународната заедница да доаѓа овде во Македонија и ја притискаат да прави притисоци и тортура врз ВМРО-ДПМНЕ, а преку ВМРО-ДПМНЕ и врз огромното мнозинство граѓани во Македонија. Но, навистина можам да ги разочарам, такво нешто нема успее. Тоа беше јасно уште на 18 август кога се гласаше дневниот ред во парламентот, но и претходно кога на комисија се гласаше потребата за уставните измени. И таму беше јасно дека нема двотретинско мнозинство од пратениците“, кажа Мицкоски.
реклама
Мицкоски претходно од Кичево рече дека светот прави планови и стратегии како да го скрши ВМРО-ДПМНЕ и нивните пратеници да гласаат за уставните измени.
реклама
