Премиерот Христијан Мицкоски не го осуди тепањето на скопската градоначалничка Данела Арсовска, а институциите ги повика да постапуваат и да го решат инцидентот кој се случи вчера во Чаир.
„Државата има институции, ги повикувам да постапуваат по случајот. Што се однесува до градоначалничката на Скопје многу работи се кажаа, не би имал што да додадам“, рече Мицкоски.
Арсовска вчера ја информираше јавноста дека при увид и инспекциска контрола на дивоградба во Општината Чаир, била нападната, прво вербално, а потоа и физички, пред припадници на МВР.
Градоначалничката на Скопје, Арсовска ова утро со нова порака до власта. На својот фб профил ја обвини власта дека се договриле вчера да кажат дека таа го нападнала мажот во Чаир.
Ги прашува властите дали имаат срам.
„Вчера заседавале во штаб на состанок за справување со кризата „шефе ми текна, а да кажеме таа го тепала командантот на ОВК”. Смислиле ново сценарио, кога ќе имало пожари, да кажеле дека јас сум виновна ги организирам за да ја дестабилизирам државата. И со цел памет ова по пораки го пишувале по амбасадори да го најавеле планов кој го добиле од „сигурни” разузнавачки извори. Срам имате ли, заедно со вашите сакани команданти од ОВК?“, пишува таа.
Вчера маж ја нападна Арсовска во Чаир поради тоа што реагира за дивоградбите. Мажот упатил закани дека ќе ги убие нејзините најблиски.
ИЗВОР: racin.mk
