Лиценцирањета на стоматолозите привремено ќе ги прави министерството за здраство наместо комората. Министерот Азир Алиу ја донел одлуката поради сомневање дека имало злоупотреби при издавањата.
Алиу на прес појасни дека одземањето на јавното овластување на Стоматолошката комора ќе биде се додека не се воспостави систем преку кој Комората ќе работи законито, транспарентно и професионално.
Одлуката е донесена за да се зачува и заштити довербата на здраствениот систем вели министерот Алиу, ова не било казна туку почеток на реформата што ќе ја врати довербата во институцијата. Во комората влегла и финансиска полиција поради како што вели финансиски злоупотреби.
Телевизија 24 побара коментар од комората за одлуката на министерот, но до емитување на прилогот не добивме одговор. . Од управата за финансиска полиција пак велат дека се превземаат мерки, активности и врши криминалистичко истражување со цел утврдување на сомненија за сторени кривични дела во нејзина надлежност.
Финансиска полиција
– Во таа насока од страна на овластени службени лица активно се работи на анализа на податоците и документацијата претходно обезбедена од Стоматолошката комора на Македонија, со цел утврдување на евентуални неправилности и инкриминирани дејствија во рамките на надлежноста. По комплетирање на проверките, Управата за финансиска полиција ќе достави соодветен писмен поднесок до надлежен јавен обвинител.
Според министерот Алиу ваквите постапки претставуваат директен удар врз една од петте столбови на неговата визија за здравството. А Комората мора да има кредибилен законски и транспарентен систем за лиценцирање.
Извор: 24vesti.mk
