По страотната трагедија во Кочани, владата под лупа ги става сите издадени лиценци од било кој тип кои ги издаваат министерствата или било која државна институција. Министерот за транспорт и врски Александар Николовски вели дека ќе бидат прочешлани издадените лиценци согласно Законот за градење и Законот за урбанистичко планирање.
Николовски вели дека законите во делот на конролата не се јасни и денеска најави законски измени во тој дел. Контролата покажала мдека од досега проверени 643 лиценци од вкупно издадени 1100 кај 97 компании се утврдени неправилности и им се одземени лиценците за работа.
„На 13 фирми кои се занимаваат со градежништво и имаат право да градат брани, автопани, далноводи, државни објекти, министерства, влада им е одземена лиценцата и не смеат веќе да градат. На 34 правни лица им е одземена лкиценцата за Б изведувач, тоа се 34 градежни компании кои се заниомаваат со се што е градба во државата надвор од се што досега спомнав, односно надвор од овие врвни државни објекти. За мене ова е најосетливо и ќе излеземе со имиња само да јуа завршиме постапката.“ – Александар Николовски министер за транспорт и врски.
– Во однос на „дискотеката на смртта“ објектот првично бил изграден за лесна незагадувачка индустрија, одреден период се користел како шивалница, па потоа се користел како магацин. Години подоцна му бил дограден еден дел од 50 квадрати, кој бил легализиран во 2011 година. Николовски вели, дека од аспект на урбанистичко планирање законот бил испочитуван но проблемите настанале кога на ред дошле адаптации и реконструкции во внатрешноста, и тоа без никакво одобрение од државна институција. Лицата кои ставале печат и потпис биле од приватна фирма. Архитектите се децидни, во законските решенија и правила во градежништвото во земјава има многу недоречености и слабости.
„Бидејќи и ова било дивоградба, работело како дивоградба па потоа го легализирале, затоа велам ние си играме држава, како не сакаме дивоградба, ама тогаш се знае. На ЕВН секоја дивоградба е приклучена со струја, на вода ви е покриен. Ако сакате како држава да се справите со дивоградбите нема да го казните тој што направил дивоградба, ќе го казните ЕВН и тоа добро и Водовод исто така, или некој друг што му дал услуга и ќе видите после дали ќе има диво градби. Ако вие не му ги приклучувате објектите на било која мрежа нема да биде будала некој човек да прави дивоградба.“ – Мартин Пановски архитект.
Николовски најави дека во вторник ќе ги објави финалните резултати од проверката на лиценците кои ги добиле градежните фирми. Веќе потврди дека има крупни играчи од градежниот бизнис кои се добро познати во јавноста.
Извор: 24vesti.mk
