Секое четврто лице во светот нема пристап до вода што е безбедна за пиење, а милијарди луѓе низ целиот свет немаат основни санитарни и хигиенски услови, што ги изложува на ризик од болести и социјална исклученост, според истражувањето на УНИЦЕФ и Светската здравствена организација (СЗО).
Според извештајот објавен на веб-страницата на УНИЦЕФ, околу 2,1 милијарди луѓе низ целиот свет сè уште немаат пристап до вода за пиење, вклучувајќи 106 милиони кои пијат директно од нетретирани површински извори, додека 3,4 милијарди немаат санитарни услови, а 354 милиони луѓе вршат нужда на отворено.
Исто така, се проценува дека 1,7 милијарди луѓе сè уште немаат основни хигиенски услуги дома, вклучувајќи 611 милиони без пристап до каков било санитарен објект.
Извор: tv21
