Мерки во случај на итна помош или смрт на патник во авион

March 11, 2024
1 min read

Стјуардесите се обучени и задолжени да се справат со многу видови случаи при лет – како што е и итна помош или ненадејна смрт на патник.

Според Меѓународното здружение за воздушни патувања, има просечно еден ненадеен смртен случај на 40.000 летови, а според други испитувања, тој сооднос е 1:200.000 патници. Итните медицински случаи се нешто почести. Поранешната стјуардеса Лиза Хјуз открива што би се случило ако на некого му се слоши за време на лет.

– Екипажот веднаш ја проценува состојбата околу тој патник. Ние сме обучени за основна прва помош и имаме медицинска опрема за итни случаи. А, првиот чекор е да прашаме дали во авионот има медицински професионалци кои се подготвени да помогнат. Комуницираме и со пилотската кабина за да го известиме капетанот. Авиокомпаниите имаат и свои специфични протоколи за справување со медицински итни случаи, а честопати се консултираат и со лекари преку наменска комуникациска линија, објасни таа.

Во зависност од тежината на случајот, екипажот може да спроведе основна лекарска нега, како што е давање кислород, лекови или други слични мерки за прва помош. За посериозни состојби, капетанот може да одлучи да го пренасочи летот до најблискиот аеродром, за патникот да се згрижи в болница што е можно поскоро.

– Нема правило за промена на патеката на летот во случај на смрт на самиот лет. Пилотот мора да следи одредени прописи за известување, во зависност од земјата и јурисдикцијата на одредишниот аеродром, како и протоколот на компанијата, изјави директорот на светската агенција за човековата безбедност Глобал рескју“ (Global Rescue), д-р Арнолд Сејд, за „Си-ен травелер“ (CN Traveler).

Имено, протоколот во случај на смрт на патник при лет – варира по авиокомпанија. Главно, тоа вклучува преместување на телото во пооддалечно место, ако тоа е можно. Тоа може да биде и празно седиште, ред или просторот за одмор на екипажот.

Достоинството на починатиот е должност на вработените. Тие го покриваат телото и прават сѐ тоа да не биде видливо за другите патници. Авионот обично продолжува до својата дестинација, каде што го преземаат властите, а компанијата обезбедува поддршка за семејството на починатиот.

Извор: kurir.mk

MARKETING

MARKETING

Претходно

Убиен поранешен светски шампион во бокс

Следно

„Полиграф“: Кој дезинформираше дека Мицкоски е најавен на конгресот на ЕПП само со „Македонија“?

Latest from Blog

Индија и Пакистан договорија прекин на огнот

Индија и Пакистан се договорија за целосен и итен прекин на огнот, рече пакистанскиот вицепремиер Исхак Дар. Секретарот за надворешни работи на Индија, Викрам Мисри изјави дека и Индија и Пакистан „ќе

Протест „Марш на ангелите“ во Кочани

Молчешкум, со насолзени очи, но со високо кренати фотографии од своите загинати чеда, мајките од Кочани чии деца настрадаа во пожарот во дискотеката „Пулс“ и денес побараа правда за трагичниот случај што

ЕФА усвои резолуција за заштита на македонскиот идентитет во земјите на ЕУ и земјите кандидати, поднесена од МАЕИ и ОМО Илинден Пирин

Европската слободна алијанса (ЕФА) на Генералното Собрание одржано во Нант, Франција денеска усвоила резолуција за заштита на македонскиот идентитет во земјите на ЕУ и земјите кандидати, поднесена од Македонска алијанса за европска

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот
Go toTop