Иако нејзиниот партнер и колега од серијата „Само убиства во зградата“, Мартин Шорт, беше на свадбата, 76-годишната добитничка на Оскар мораше да го пропушти големиот ден, пишува АП.
Снимање во Италија
Причината за нејзиното отсуство беше од деловна природа. Имено, додека свадбата се одржуваше во Калифорнија, Мерил Стрип беше во Италија, каде што го снимаше долгоочекуваното продолжение на култниот филм „Ѓаволот носи Прада“.
Во улогата на Миранда Пристли, таа беше видена во првиот ред на модната ревија на Долче и Габана за време на Неделата на модата во Милано. Таа беше придружувана од нејзиниот колега од филмот, Стенли Тучи, како и супермоделот Наоми Кемпбел и актерката Мишел Мороне. Во вториот ред, веднаш зад Мерил, седеше актерката Симон Ешли, за која се шпекулира дека ќе ја игра асистентката на Миранда во новото продолжение.
За време на престојот во Милано, актерката беше снимена како се среќава со поранешната главна уредничка на списанието „Вог“, Ана Винтур, која ѝ послужи како инспирација за нејзиниот познат лик.
Селена се омажи во Калифорнија
За потсетување, Селена Гомез (33) и музичкиот продуцент Бени Бланко (37) се венчаа во саботата во Калифорнија. Ѕвездата од серијата „Само убиства во зградата“ блескаше во венчаница потпишана од Ралф Лорен. Елегантната креација имаше цветен деколте и структуриран корсет, а интересно е што младоженецот избра и костум од истиот познат дизајнер за својот голем ден.
На свадбата присуствуваа голем број познати лица за да ја прослават љубовта на двојката. Меѓу гостите беа Тејлор Свифт, Парис Хилтон и колегите на Селена од серијата, Мартин Шорт и Стив Мартин.
Извор: vecer.mk
