Менталното здравје на работното место – годинава тема на одбележувањето на Светскиот ден

October 10, 2024
1 min read

Универзитетската клиника за психијатрија денеска на плоштадот „Македонија“ ќе го одбележи Светскиот ден на менталното здравје, годинава на тема „Време е да се приоритизира менталното здравје на работното место”. На настанот чија цел е да се подигне свеста за важноста на менталното здравје ќе присуствува и министерот за здравство Арбен Таравари.

– Придружувајќи се кон оваа глобална иницијатива, преку јавен собир имаме за цел да ја подигнеме јавната свесност за важноста од грижа за менталното здравје, а со особен осврт на поврзаноста со факторите од работната средина како место каде поминуваме огромен дел од нашиот живот и е тесно поврзана со сите аспекти на нашето живеење и целокупна благосостојба, соопшти Клиниката.

Посочува дека темелите на кои се гради индивидуалната и колективна продуктивност и чувството на исполнетост на работа се основните права и услови кои секој работник треба да ги ужива: безбедни услови за работа; хармонични меѓучовечки релации; тимско работење базирано на поддршка и помош; јасна распределба на обврските; адекватен финансиски надомест; уживање на почит, уваженост и еднаквост; работење во пропишани временски рамки; време за одмор, грижа за себе и баланс помеѓу професионалниот и приватен живот.

– За жал, неретко сме сведоци или носители на товарот на прекумернo работно оптоварување, нејасни работни очекувања, несоодветна парична компензација на работата, работење во небезбедни и штетни по здравјето услови, мобинг и нарушени меѓучовечки односи, недостаток на социјална поддршка на работа. Токму овие фактори на ризик се значајно асоцирани со нарушувања на менталното здравје манифестирани често преку синдромот на професионално согорување (burn out), како „состојба на витална исцрпеност” карактеризирана со замор, загуба на мотивација и енергија, негативен поглед кон работата, цинизам, намалена работна ефикасност, социјално повлекување и телесни симптоми, истакнуваат од Клиниката за психијатрија.

Организаторот на одбележувањето на Светскиот ден на менталното здравје укажува и дека преку создавање поддржувачки средини и адресирање на потребите за менталното здравје на вработените, компаниите и институциите не само што ја подобруваат личната благосостојба на работникот, туку ја зголемуваат и продуктивноста, иновациите и успехот организацијата и општеството.

Извор: 24vesti.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Грчки фудбалски репрезентативец пронајден мртов

Следно

Најмалку двајца загинати во ураганот „Милтон“ на Флорида, два милиони луѓе без струја

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop