Мексико: 16 лица загинаа при судир на автобус со имигранти и камион

АНКАРА (АА) – Во сообраќајна несреќа меѓу автобус со имигранти и камион, што се случи на автопатот во близина на границата меѓу мексиканските држави Оахака и Пуебла, според првичните информации, 16 лица го загубија животот, а 36 се повредени, пренесува Анадолу.

Според веста што ја објави „Си-ен-ен“, Канцеларијата на јавниот обвинител во Оахака информирала дека автобусот со имигранти се судрил со камион на автопатот Куакнопалан – Оахака.

Меѓу лицата кои ги загубија животите, 8 се мажи, 8 жени, а 36 лица се повредени. Едно од загинатите е дете.

Властите ги истражуваат причините за несреќата, а повредените се пренесени во болница во Пуебла.

Гувернерот на државата Оахака, Саломон Хара Крус, во објава на својот профил на социјалните мрежи, изрази сочувство до семејствата на починатите.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..