Македонскиот кошаркарски репрезентативец Адем Мекиќ има болки во коленото и нема да игра против Романија.
Селекторот Марјан Илиевски се одлучи за две измени во играчкиот ростер, за денешното гостување во Орадеа.
На местото на повредениот Мекиќ во македонскиот национален тим ќе биде Марко Миловановиќ.
Втората измена е Никола Василевски кој ќе го заземе местото на Тома Стојаноски. Василевски за прв пат во својата кариера ќе биде дел од сениорската репрезентација.
Натпреварот во Орадеа почнува во 18 часот и е од претквалификациите за Светското првенство во 2027 година.
Пред 11 дена во Куманово, Романците победија со 80:72. (МИА)
Извор: kurir.mk
