Медведев: Ако Киев се обиде да го врати Крим, Русија е подготвена да го употреби апсолутно секое оружје

March 24, 2023
1 min read

Заканите на поранешниот руски претседател и актуелен заменик шеф на советот за безбедност, кои, како што наведува Гардијан, очигледно се однесуваат и на употреба на нуклеарно оружје, доаѓаат по најавената контраофанзива на украинските сили

Поранешниот руски претседател и актуелен заменик шеф на советот за безбедност, Дмитри Медведев денеска изјавил дека Москва се подготвува за украинската контраофанзива, по тврдењата на Киев дека руските сили губат замав на фронтот, пишува Гардијан.

Поранешниот руски претседател и актуелен заменик шеф на советот за безбедност, Дмитри Медведев/Фото: Архива

„Тие (украинскките сили) се подготвуваат за офанзива, сите го знаат тоа. Нашиот генералштаб врши проценки и подготвува свои решенија“,

рекол Медведев во интервју за руските медиуми.

Заменик шефот на моќниот совет за безбедност на рускиот претседател, Владимир Путин, рекол дека Москва е подготвена да го „употреби апсолутно секое оружје“, доколку Украина се обиде да го врати полуостровот Крим што Русија го анектираше во 2014 година.

Последната очигледна закана на Медведев за употреба на нуклеарно оружје, како што наведува британскиот весник, доаѓа во време на се позачестените информации кои се толкуваат како признание од страна на Москва дека нејзините сили наскоро може да се најдат во дефанзива во Украина.

Инаку, најавата за контранападот на укранските сили дојде од командантот на украинските копнени сили Олександр Сирски, според кого на членовите на руската паравоена група „Вагнер“, кои биле на фронтот заедно со руските сили во Украина, „им недостасува сила“.

Во видео-интервју објавено на неговите канали на социјалните мрежи во четвртокот, шефот на групата „Вагнер“, Пригожин, предупредил дека Украина планира да ја опколи паравоената единица во Бахмут и да се пробие напред кон Црното Море во делумно окупираниот регион Запорожје.

Тој тврди дека Украина концентрирала повеќе од 80 000 војници околу градот.

Додека стигнуваат ваквите најави, цел на руските воздушни напади изминатата ноќ беше североисточниот регион Суми.

 Андриј Јермак, шеф на канцеларијата на украинското претседателство, денеска на Твитер објави видео, од како што вели, последиците од рускиот воздушен напад на градот Билопилија, во регионот Суми.

Според регионалната воена администрација, во нападите загинале две лица, а десет се повредени во, како што се наведува, масовното гранатирање на регионот.

Меѓу загинатите за време на гранатирање на градот Билопилија е и 37-годишен висок полициски поручник, соопштиле официјални лица.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Ќерка ми се тресеше од страв и врескаше: Мајката раскажа што се случило со дефектологот во Скопје

Следно

Сунак и Нетанјаху разговараа за судските реформи во Израел

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop