Се ситни коалицијата „Европски фронт“. Според најавите на лидерот на Демократско движење, Изет Меџити, партијата која е дел од коалицијата „Вреди“, тројца-четворица од вкупно 18 пратеници колку што доби мандати „Европскиот фронт“ на парламентарните избори, ја носат крајната одлука да преминат во новото мнозинство.
Меџити во интервју за „А2 Си-ен-ен“ не сакаше да открива имиња, но рече дека во моментов од две турски партии кои се дел од коалицијата со ДУИ, нема да можат да останат четири години во опозиција.
„Европскиот фронт“ не се обедини на идеолошки основи, не ги обедини програмата, туку се обединија да опстанат и да бидат дел од владата. Во моментот кога не се дел од владата, мисијата пропадна и почнува распаѓањето на „Европскиот фронт“, така што можам да кажам дека веќе од тие 18 пратеници, 3-4 со едната нога се дел од новото мнозинство, рече Меџити.
Извор: 24vesti.mk
