Првиот вицепремиер и кандидат на владината коалиција ВЛЕН за градоначалник на Општина Чаир, Изет Меџити, денес оствари посебна средба со младите на општината, меѓу нив и новите гласачи кои оваа есен за првпат ќе ја изразат својата волја на избирачките кутии.
Меџити изјави дека е импресиониран од енергијата, идеите и визијата на новата генерација, потенцирајќи дека токму младите се силата што ќе го води Чаир кон посветла иднина.
„Ме радува безмерно фактот што Чаир има здрава, ентузијастичка и добро едуцирана младина, затоа што тоа е најдобриот доказ дека Чаир има иднина,“ истакна Меџити.
Тој потсети и на големите проекти што се реализираат за младите, како Универзитетот „Мајка Тереза“ со нов кампус од 40 милиони евра, модерниот спортски комплекс сличен на „Борис Трајковски“, новите општински базени, младинскиот центар со модерна библиотека и бројните спортски терени. Меџити најави и понатамошно оживување на Старата Чаршија, која ќе се претвори во атрактивен простор за креативност, култура и младинска рекреација.
„Цврсто верувам дека овие инвестиции ќе го направат Чаир место каде младите имаат реални можности да ги остварат своите соништа, да живеат онака како што сакаат и заслужуваат. Патот на иднината е патот на младите, тоа е патот што ВЛЕН,“ изјави Меџити.
Според Меџити, средбата со младите е доказ дека визијата на ВЛЕН за Чаир се потпира на новите сили, енергијата и страста на генерацијата што ќе изгради една модерна и европска општина.
