Копретседателот на ВЛЕН и градоначалник на Општина Чаир, Изет Меџити, вечерва заедно со сопругата, пратенички и претставнички на Форумот на жени во ВЛЕН, учествуваше на конференцијата „Жената и семејството“, организирана во рамки на балканската програма „Gönülden Gönüle“.
Како што посочи Меџити, на конференцијата се разговарало за зајакнувањето на улогата на жената во општеството и политиката, достоинственото претставување на жените во процесите на одлучување, како и потребата нивниот глас да биде сè поприсутен во институциите каде се креираат политиките за граѓаните.
„Жената денес е незаменлив фактор во јавниот живот, во општествениот развој и во демократските процеси. Придонесот на жените во политиката носи поголема социјална чувствителност, институционална одговорност и пристап поблизок до граѓаните“, истакна Меџити.
На конференцијата бил нагласен и моделот на вклучување и поддршка што АК Парти им го овозможува на жените за активно учество во политичкиот живот, преземање јавни одговорности и извршување значајни функции во институциите и процесите на одлучување.
Меџити оцени дека учеството и ангажманот на жените во политиката претставува гаранција за поправедно и порамноправно општество, со повеќе перспективи за идните генерации.
Извор: zurnal.mk
