„Денес, 24 години по потпишувањето на Охридскиот рамковен договор, не одбележуваме само крај на еден конфликт, туку визија врз која се гради современата држава за сите граѓани,“ изјави првиот вицепремиер Изет Меџити на свечената владина седница.
Тој истакна дека Охридскиот договор поставил темели за нов пристап во изградбата на државата, заснован на еднаквост, инклузивност и почитување на правата како клучни елементи на демократското функционирање. „Нашите владини политики се водат токму од овој дух – да создадеме држава што му служи на секој граѓанин, без разлика на етничка, верска или политичка припадност,“ рече Меџити.
Тој додаде дека договорот не бил само мировен документ, туку основа за низа реформи и политики кои ги трансформирале институциите од затворени структури во отворени, достапни и репрезентативни механизми.
