ТРСТ (АА) – Дваесет и шестгодишен рекреативец пронајден е мртов во близина на шумската патека во северната италијанска покраина Тренто, каде го нападнала и убила мечка, пренесува Анадолу.
Причината за смртта на локалниот џогер утврдена е по спроведената обдукција, а локалните власти потврдија дека телото е пронајдено доцна вечерта во четвртокот во долината Вал ди Соле, популарна дестинација на излетниците и туристите.
„Мечката мора да биде пронајдена и усмртена за да се гарантира јавната безбедност, изјави претседателот на Автономната Покраина Тренто, Марио Фугати, на вчерашниот состанок на одборот за јавен ред и безбедност.
Околу 100 мечки живеат во планинските и шумски предели на северна Италија, а во последно време сè почесто доаѓаат во населените места или излетишта.
Десетина нови мечки во 1999 година донесени се во тоа подрачје од Словенија во рамките на проектот на Европската Унија „Life Ursus“ за да се заштити видот од изумирање.
Извор: www.aa.com.tr
