Ѕвездата на Реал Мадрид, Килијан Мбапе се повреди и ќе отсуствува од терените на неодредено време, соопшти денеска шпанскиот клуб. Асот на гигантите од Мадрид се повреди на натпреварот со Атланта во Лигата на шампионите, па ја напушти играта во првото полувреме и не се врати на теренот.
Неколку дена се шпекулираше дека Французинот е повреден, а денеска стигна потврда од Реал. Иако во соопштението од Мадрид не се наведува степенот на повредата на напаѓачот, се шпекулира дека се работи за нешто полесен случај, додека шпанските медиуми наведуваат дека тој ќе биде надвор од тренинг процесот најмалку 10 дена.
Инаку, Реал без целосна помош на Мбапе ја совлада Аталанта во Бергамо со 3:2. Францускиот напаѓач сезонава одигра 22 натпревари на кои постигна 12 гола.
Тој ќе го пропушти гостувањето во Рајо Ваљекано во шпанското првенство, како и Интерконтиненталниот куп кој е закажан за следната недела.
Извор: kurir.mk
