Ќе разговарам со народот, дали луѓето во Србија мислат дека сум глуп да направам нешто против мојата земја и мојот народ? Вака претседателот на Србија Александар Вучиќ се обрати денеска пред јавноста, по вчерашните протести во Белград против ископ на литиум во Србија.
Вучиќ оцени дека протестот на „Теразије“ поминал во демократска атмосфера, но не и блокадите на двете главни железнички станици оценувајќи ги како насилство.
– Ќе разговараме со народот. Ќе одам во Лозница и Крупањ, ќе одам на секое место. И нема да правам големи митинзи за да ви покажам колку луѓе можам да соберам. Ќе одам да разговарам со оние што мислат поинаку, со обичните луѓе, да зборувам за нивниот страв. Дали луѓето во Србија мислат дека сум глупав и луд дека ќе направам нешто против мојата земја и мојот народ? – рече Вучиќ.
Илјадници луѓе излегоа на улиците во Белград за да протестираат против контроверзниот рудник за литиум кој треба да служи како витален извор за напојување на зелената енергија во Европа, бараат трајна забрана со закон за ископ на литиум и бор во Србија. Граѓани блокираа две белградски железнички станици – Прокоп и Нови Београд. а го блокираа и автопатот низ главниот град што води кон Ниш. Имаше и инцидент кога автомобил налета на демонстрантите. Сепак во раните утрински часови полицијата ги опколи граѓаните на Прокоп и ги избрка, двајца се приведени бидејќи не сакале да ја напуштат станицата.
Од железничката станица демонстраните отидоа пред полициската станица од каде најавија ќе останат таму додека уапсените не бидат ослободени. Ивица Дачиќ пак изјави дека полициската интервенција била извршена без употреба на сила. Приведени се 14 лица, како и двајца странски државјани, против кои ќе бидат поднесени кривични и прекршочни пријави.
Очекуваа конфликт и бараа конфликт. Тоа можете да го погледнете од нивните изјави синоќа. Тие очекуваа интервеницјата на полицијата да биде во четири часот. Затоа што тогаш тргнува првиот воз за Ниш. Што значи дека со цел биле таму.
Заменик-претседателката на ССП, пак Мариника Тепиќ, која ја поминала ноќта на станицата Прокоп изјави дека според нејзините проценки, биле испратени околу 200 полицајци во полна опрема и уште најмалку 40-50 во цивилна облека. Против граѓаните, како што вели, биле испратени кордони, како да се најлошите терористи.
Актерката Јелена Ступљанин заедно со сите насобрани граѓани вечра побара да се поздрават луѓето кои во претходните две недели излегоа на улиците во повеќе од 40 градови и населени места и заедно порачаа „Рио Тинто Марш од Србија“.
– Рио Тинто Марш од Србија“.Запомнете колку напорно работите сите секој ден за да се прехраните себеси и вашите семејства и за сето тоа што плаќате даноци на државата и за сето она што го плативме на државата и затоа Јадар е наш. Сите живееме од Јадар и затоа ајде да се бориме за она во што цврсто веруваме. – изјави Ступљанин.
Србија има огромни наоѓалишта на литиум во близина на западниот град Лозница. Рударски проект што го развива англо-австралискиот рударски гигант Рио Тинто.
Извор: 24vesti.mk
