Манчестер Јунајтед и Ерик Тен Хаг ја прекинаа соработката откако вчера „Црвените ѓаволи“ загубија од Вестхем (2:1).
Ерик тен Хаг ја напушти улогата на менаџер на првиот тим на Манчестер Јунајтед, соопшти клубот.
Ерик беше назначен во април 2022 година и го предводеше клубот до два домашни трофеи, освојувајќи го Купот Карабао во 2023 година и ФА Купот во 2024 година.
-Ние сме му благодарни на Ерик за се што направи за време на неговото време со нас и му посакуваме добро во иднина. Руд ван Нистелрој ќе го преземе тимот како привремен менаџер, поддржан од сегашниот тренерски тим, до назначување на нов тренер, велат од „Олд Трафорд“.
Јавноста веќе извесно време очекува ваков потег, а по секој пораз на натпревар медиумите од Островото пишуваа дека „ова е последниот“ за досегашниот менаџер на Јунајтед со што се создаваше дополнителен притисок врз Јунајтед.
Извор: kurir.mk
