Aдвокатот и поранешниот претседател на антикорупциска комисија, Драган Малиновски во 24 анализа рече дека, реакциите на дел од јавноста насочени кон тетовскиот суд не се целосно оправдани. Според него, потребно е да се погледнат сите околности според кои е донесена таа пресуда. Тој зборуваше и за тоа дека полномошниците на семејството на Теодора требало да им објаснат за каква казна станува збор, за, како што рече, да немаат нереални исчекувања.
„Сега сите реакции на јавноста се насочени кон судот и мислам дека не е во целост оправдано. Обвинението го подготвува обвинителот, второ вишиот Јавен обвинител од Гостивар не се побунил туку се сложил со жалбените наоди на одбраната и цела работа била завреша во Апелациониот суд Гостивар и не може понатаму да се донесе поинаква одлука. Треба да се утврди кои се причините и што донело до таква пресуда“, рече Малиновски.
Тој објасни и дека семејството на Теодора требало да биде изместено на време за можната преуда.
„Се доведуваме да го правдаме законот каков што е. Судот има обврска да го применува законот, законот е експлицитен дури и кај одлуките за вонредно преиспитување на пресуда реферира со конкретната одредба. Не сакаме да го навлекуваме гневот ниту на семејтсвото ниту на јавноста. Овие прашања требало да им ги кажат нивните полномошници за да не ги доведат во ситуација на нереални исчекувања“, додаде Малиновски.
Извор: 24vesti.mk
