Обновени преговорите за нова влада во Бугарија – најавени интензивни разговори со одлука до петок.
ГЕРБ – партијата на Бојко Борисов, денеска, порача дека преговарачки тим предводен од Росен Желјазков, има зелено светло за преговори со БСП – Обединета левица и Има таков народ . Порака и до Демократска Бугарија – ГЕРБ ќе преговара, само доколку поддржат редовна влада со премиерот Росен Желјазков.
Тома Биков, ГЕРБ-СДС – Наш главен и единствен приоритет во овој момент е да формираме редовна влада која ќе биде политички одговорна и зад која стои јасно политичко мнозинство. Како што се прави во нормална политичка ситуација. Се надевам дека ќе ги прекинеме експериментите и ќе почнеме да работиме како што налагаат правилата на политиката.
Преговорите за нова влада во Бугарија прекинаа пред два дена, откако Демократска Бугарија прво го отфрли името на Бојко Борисов за премиер, а потоа и Росен Жељазков, кој важи за еден од најдоверливите луѓе на Борисов.
Атанас Зафиров БСП – Многу аналитичари тврдат дека евентуални нови избори нема да ја сменат структурата и таа ќе биде уште потешка. Ние од БСП избравме да работиме, затоа и учествувавме во преговорите за редовна влада. БСП е категорична дека на нејзината земја и треба нова влада. Мора да се собере сета национално одговорна енергија.
Во меѓувреме Румен Радев изјави дека на партиите ќе им даде уште малку време да се разберат, пред да врачи мандат за состав на нова влада.
И додека во Софија веќе се анализира дека се поголеми се шансите за нови избори на пролет, во Скопје и понатаму се чека стабилна влада во Бугарија. Премиерот Мицкоски порача дека им посакува да се надминат разликите и да се формира политичка влада.
Извор: 24vesti.mk
