Светот на глобализацијата заврши на 20 јануари, оваа година, со инаугурацијата на актуелниот американски претседател, Доналд Трамп. Парадигмите се менуваат и овој период на промена ќе трае. Во овие околности, потребна е храброст, но и добро е Македонија да се изјасни каде припаѓа, на кој дел од светот му припаѓа, смета амбасадорот и поранешен вицепремиер за евроинтеграции, Ивица Боцевски, како добар и внимателен аналитичар на геополитичките процеси, пренесе МКД.МК.
„Трите столба на македонската надворешна политика се непроменети, кои се потпираат на трансатланската врска и евроинтеграциите. Нема контрадиција меѓу овие наши аспирации, кои се обединуваат во членството во НАТО. Можеби во овој миг има разногласје околу начинот и средствата за постигнување мир во Украина, меѓу САД и ЕУ, но трансатланската врска е жива. Сепак, можеби треба похрабро да се застане на американската страна во оваа дебата за вредностите и двојните стандарди на Европската Унија, што ги лоцираше во својот говор на Минхенската конференција, американскиот потпретседател Џеј Ди Венс. Впрочем, Македонија е еклатантен пример на жртва на тие двојни стандарди и вредности на Европската Унија, па и во поглед на слободата на говор. Сега во ЕУ нè цензурираат нас Македонците и кога ќе кажеме Македонија! Затоа Македонија треба да учествува во оваа дебата, да се изјасниме идеолошки каде припаѓаме и да ги декларираме своите вредности и интереси. Глобализацијата испадна кошмар за Македонија и мораме да се извлечеме од него во постглобалистичкиот период кој се воспоставува“, цени дипломатот и аналитичар Ивица Боцевски.
Целата анализа прочитајте ја на МКД.МК
ИЗВОР: kurir.mk
