Европската ракометна федерација, ЕХФ, објави дека 11 национални федерации изразија интерес за домаќинство на Европското првенство во 2034 година за мажи и жени, откако во средата заврши рокот за испраќање писмо за интерес до ЕХФ.
Машкото ЕП ќе се игра од 10 до 29 јануари 2034 година.
Заинтересирани да бидат организатори се: Австрија, Хрватска, Данска, Луксембург, Холандија, Македонија, Србија, Словенија, Шведска и Турција.
Сега 11-те федерации имаат рок до 1-ви март 2027 година да поднесат официјална понуда. Потоа понудите ќе бидат евалуирани, а Европското првенство во 2034 година ќе биде доделено на Конгресот на ЕХФ, кој ќе се одржи на 18-ти септември 2027 година во Љубљана, Словенија.
Инаку Европското првенство во 2034 година ќе вклучува и четвртфинални натпревари како дел од распоредот на натпреварите.
Следното ЕП за мажи ќе се игра во 2028 во Шпанија, Португалија и Швајцарија, во 2030 домаќини ќе бидат Чешка, Полска и Данска, а во 2032 во Германија и Франција.
Извор: sportmanija.mk
