Книгоиздателството „Макавеј“ во годинашната поетска едиција ја објави поетската книга „Избор. Порта на животот“ од ромскиот поет од Македонија Јусуф Сулејман.
Стихозбирката „Избор, Порта на животот“ е обемна поетска сиповед на околу 190 страници и претставува рефлексивно, но и реално трагање по суштината на животот. Поезијата од оваа книга ги актуелизира и поетки ги артикулира прашањата кој, кога, што и како го определува самото течение на животот, колку единката е моќна да се избори за својата опстојба на планетата, но истовремено и колективитетот како целина, како држава, како народ.
Секоја песна во книгата претставува една целина со мноштво асоцијации на настаните и собитијата кои произлегуваат од минатото, сегашноста и кои авторовата имагинација ги проектира во иднината.
Инаку, Јусуф Сулејман е поет, есеист, романсиер, раскажувач, писател за деца, преведувач… Пишува на ромски и на македонски јазик. Има објавено голем број авторски книги и преводи. Член е на Друштвото на писателите на Македонија.
Книгата може да се купи во е-продавницата на издавачката куќа „Макавеј“ на линкот https://makavej.com.mk/shop/izbor-porta-na-zhivotot/ и во книжарниците во центарот на Скопје.
ИЗВОР: racin.mk
