Тренерот на Пари Сен Жермен, Луис Енрике, не го криеше своето задоволство од победата од 3-2 над Монако на „Луј Втори“ во првиот натпревар од плејофот за Лигата на шампионите меѓу двата тима. Тој ги пофали своите играчи за фантастичниот пресврт што го направија.
„Видов 11 лидери на теренот. Кога губите со 0-2 на ваков стадион против ваков противник, лесно е да се откажете, но ние го направивме спротивното. Ова е ПСЖ што сакам да го видам – тим кој не се плаши од ништо и верува во својата идеја до последната секунда. Дали зборувате за индивидуализам? Денес одговорот беше на теренот. Кога играме тимски, ние сме непобедливи. Мојата работа е да ги натерам овие неверојатни таленти да работат за заедничката цел и денес видов дека го направија тоа со задоволство“, рече Енрике.
Тој откри какви тактички промени направил за време на натпреварот.
„Моравме да го прилагодиме нашиот пресинг бидејќи Монако на почетокот наоѓаше премногу простори низ средината. Во второто полувреме ја презедовме целосната контрола врз топката и тоа ја задуши нивната игра. Нашата ефикасност пред голот беше исто така на ниво што го барам“, додаде Шпанецот.
Конечно, тој коментираше за значењето на оваа победа.
„Тоа е голем чекор, но ништо не е одлучено. Резултатот од 3-2 е одличен за нас, но во реваншот ќе излеземе со ист став – да напаѓаме и да доминираме. Не знаеме како да играме за нерешено“, заклучи тренерот.
Извор: vecer.mk
