ЛШ и ЛК: ЕТО Ѓер веќе ги чека Вардар или Рига, Ц. Звезда убедлива во С.Ирска, Динамо Загреб со реми кај Тун!

Вечерва се одиграа неколку натпревари, први од 2.квалификациско коло во Лигата на Шампионите и Лигата на Конференции.

Познато е дека во случај Вардар да ја мине Рига, тогаш во третата квалификациска рунда од ЛК ќе игра со подобриот од двомечот Бисен (Луксембург) – ЕТО Ѓер (Унгарија). Па така со оглед на тоа дека унгарскиот шампион уште на првата средба и тоа како гостин славеше со неверојатни 2:6, ако ја мине Рига тогаш Вардар ќе игра против тимот од Унгарија.

Кога сме кај ЛК, да кажеме дека Дрита предводена од нашиот стратег Зекирија Рамадани, одигра 1:1 на гостувањето кај Флориана на Малта.

Во С.Ирска, во првиот меч од 2.квалификациско коло во ЛШ, Црвена Звезда просто го разнесе домашниот состав на Ларне со 0:4 и покажа кој е кој во овој двомеч. “Македонецот“ Костов беше стрелец на еден гол.

Динамо Загреб на гостувањето во Швајцарија, кај довчерашниот тим на нашиот Елмин Растодер, одигра 1:1, па така и шампионот на Хрватска има големи шанси за пласман понатаму ако се знае дека реваншот се игра во Загреб.