Повредата на левиот бек на Баерн Минхен е посериозна од очекуваното, пренесуваат „Билд“ и „Скај Германија“.
Канадскиот бек заработи повреда на тетивата непосредно пред полувремето и беше принуден да биде заменет на мечот на Баварците со Феенорд, кој на крајот го загубија тешко со 0:3.
Повредата на Дејвис се очекуваше да го извади од терените само една или две недели, но новите тестови покажаа дека неговата повреда е потешка и тој ќе паузира 4-6 недели.
Тоа значи дека играчот сигурно ќе го пропушти евентуалниот прв натпревар од плејофот на Лигата на шампионите, кој ќе биде на 11/12 февруари. Сосема е можно Дејвис уште да не се опорави за важното гостување кај Баер Леверкузен на 15 февруари, како и за реваншот во плејофот на најпрестижниот европски клупски турнир.
Се очекува Баерн наскоро да го објави продолжувањето на договорот со 24-годишниот бек, кој беше силно посакуван од Реал Мадрид, но на крајот реши да остане во Минхен. (МИА)
Извор: kurir.mk
