Лоша инфраструктура во Визбегово – бизнисмените се жалат, Град Скопје не кажува за почеток на работите

Иако е главен пат и индустриско подрачје што ја поврзува Македонија со Косово, инфраструктурата на овој дел не е во добра состојба. Покрај немањето одвод, шахтите исто така не се израмнети со патот, па автомобилите наидуваат на потешкотии и оштетувања додека минуваат низ овој автопат наречен Јадранска магистрала. Покрај главниот пат, во овој дел се наоѓа и стариот Качанички пат, кој исто така е многу оштетен.

За важноста и потребата од подобрување на инфраструктурата на овој автопат зборува Драган Цветановски од советот на граѓани на индустриското подрачје во Визбегово. Според него, овој проблем трае со години, додека сега, како што додава, добиле информации дека Владата доделила средства на град Скопје за почеток на работите.

ТВ21 контактираше со град Скопје за да ги потврди овие изјави и да ги праша кога ќе почнат работите за рехабилитација на овие патишта, но до сега не добивме одговор.

Во меѓувреме, во овој дел пред неколку месеци беа констатирани узурпации на државни имоти, кои инспекторатот на општина Бутел мораше да ги отстрани. Тој период започна со отстранување на некои огради, но работата остана на половина. Го прашавме градоначалникот на општина Бутел, Дарко Костовски, но и тој не сакаше да одговори.

Инаку, Цветановски, во име на стопанствениците од областа Визбегово, предупреди дека доколку не се слушнат нивните барања за подобрување на инфраструктурата, ќе постапат со порадикални мерки.