Локалните избори ќе бидат распишани во првата декада од месец август – изјави претседателот на Собранието Африм Гаши при посетата во Тетово, заедно со градоначалникот на општина Тетово, Билал Касами.
„Првата декада од август ќе биде периодот кога ќе бидат распишани изборите. Ќе видиме уште малку како ќе се движи динамиката со донесувањето на законите во Собранието. Доколку има важни закони, ќе се обидеме да работиме што подолго за да стигнеме до распишувањето на изборите и да ги испочитуваме законските рокови, без да го попречиме процесот во Собранието и другите државни органи.“, вели Африм Гаши.
Актуелниот градоначалник на Тетово, Билал Касами, беше прашан за кандидатурата на Бајрам Реџепи како негов противкандидат. Со насмевка, Касами рече дека му посакува успех.
„Не се смеам само јас, туку и многумина овде се смеат. Му посакувам успех на противкандидатот, тоа е нивна одлука. Ние немаме трка со Бајрам Реџепи – нашата трка е со одговорностите што сме ги презеле. Ако повторно ми биде доверена таа одговорност од коалицијата ВЛЕН, ќе продолжиме да работиме на реализација на започнатите проекти.“, вели Биљал Касами.
На прашањето дали, доколку коалицијата ВЛЕН ги загуби локалните избори, ќе се преиспита учеството во Владата, Касами одговори дека ВЛЕН ќе биде апсолутен победник во повеќето општини.
ИЗВОР: ТВ 21
