Логин Кочишки е добитник на првата, инаугурациска награда за пионерски белег на музичката сцена, „TRAILBLAZER AWARD“ од – Меѓународниот Форум на Музички Менаџери (IMMF). Доделувањето на наградите се одржа денеска во Ријад, Саудиска Арабија за време на „Riyadh Music Week“.
Награда е креирана како светско признание за тимот за артистите, за професионалците со различни нивоа на комерцијален успех, но кои секогаш демонстрираат посветеност, стратегија и вредност за музичарите.
Убавата вест од Ријад пристигна утрово, кога тукушто се означи крај на Taksirat festival 2024, па радоста надоврзана на неверојатната енергија од синоќа сега е двојно поголема за целиот тим во Password Production.
ИЗВОР: racin.mk
