Англискиот Супер куп или популарниот „Комјунити Шилд“ попладнево се игра на Вембли. Во битката за првиот трофеј сезонава во англискиот фудбал играат шампионот Ливерпул и освојувачот на ФА купот. Кристал Палас.
Ливерпул на Вембли треба да се појави со новите засилувања, а воедно тимот на Арне Слот важи за фаворит и за победа денеска, но и одбрана на шампионската титула. Ова ќе биде и првиот официјачен натпревар за засилувањата: Флоријан Вирц, Уго Екитике, Милош Керкез и Џереми Фримпонг за „црвените“.
Кристал Палас на крајот од ланската сезона ги израдува своите фанови со победата во финалето од ФА купот против Манчестер Сити. Воедно тоа беше првиот клупски трофеј во историјата. Но, Кристал Палас беше најпасивниот клуб од Премиер лигата на трансфер пазарот донесе само двајца играчи, хрватскиот дефанзивец Борна Соса и голманот Валтер Бенитез. Менаџерот Оливер Гласнер дури се закани со заминување од клубот, ако нешто не се смени во однос на нови играчи.
Почтокот на натпреварот е во 16 часот, а Ливерпул има 16 победи во Супер купот, додека Кристал Палас нема победа во ова натпреварување.
Извор: kurir.mk
