Рускиот министер за надворешни работи Сергеј Лавров ја оцени мировната конференција за војната во Украина, која ја подготвува Швајцарија, како обид на Москва да ѝ се „испорача ултиматум“, чија единствена цел е исполнување на барањата поставени од украинскиот претседател Володимир Зеленски, и затоа е неприфатлив за руската страна.
Во интервју за Алтернативната телевизија (АТВ) во Бања Лука, Лавров повторно го обвини Западот за заговор против Русија, предупредвуајќи дека новата западна воена помош Украина само ја разгорува војната и дека единствениот сериозни напори да се запре се прават Кина и Јужноафриканската Република, со чии претставници руски дипломати претходно разговараа за тоа.
„Не очекуваме чесност и ред од нашите западни партнери“, рече Лавров во претходно снименото интервју емитувано во неделата навечер. Тој додаде дека Москва сега нема со кого да преговара на Западот, па затоа руската армија „продолжува да ги извршува задачите доделени во рамките на специјалната воена операција“, како што Русија ја нарекува агресија врз Украина.
Извор: 24vesti.mk
