Лансирањето за мисијата „Ax3“, од која дел е и турскиот астронаут, одложено за утре

ИСТАНБУЛ (АА) – Лансирањето на вселенската мисија на Спејс икс за пренесување на турскиот полковник Алпер Гезеравџи и уште тројца астронаути до Меѓународната вселенска станица, е одложено за еден ден, односно ќе се лансира утре (четврток), пренесува Анадолу.

„Дополнителното време им овозможува на тимовите да ги завршат проверките пред лансирањето и анализата на податоците за леталото“, се вели во соопштението на Спејс икс.

Четворица астронаути од Туркије, Шпанија, Италија и Шведска ќе спроведат над 30 научни експерименти и демонстрации на Меѓународната вселенска станица како дел од мисијата „Ax3“.

Мисијата првично беше закажана за 9 јануари, но поради лошите временски услови беше одложена за денес, 17 јануари.

Лансирањето ќе го спроведе Спејс икс во Флорида со својата ракета Фалкон 9.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.