Курти за Еуроактив: Договорот меѓу Приштина и Белград е можен до крајот на годината

February 27, 2023
1 min read

Косовскиот премиер, Албин Курти, денеска за Еуроактив во Брисел изјави дека до крајот на оваа година е можен договор меѓу Белград и Приштина.

Пред средбата во Брисел, Курти кажа дека Белград и Приштина имаат за цел годинава да склучат важен договор за нормализација на односите и дека тој нема да биде гладок и покрај зголемениот ангажман на Западот.

-Ни треба нормализација на односите, а тоа може да се постигне со взаемно признавање како централен дел на договорот, рече Курти и наведе дека Белград е категоричен дека нема формално да ја признае независноста на Косово, но дека, според него, „може да се договори за ’де факто“ признавање“.

Кажа и дека тоа што остана да се преговара нема да биде воопшто лесно, а тоа се механизмот за имплементација, меѓународните гаранции и временскиот редослед на потезите, што, како и кога.

Говорејќи за формирањето на Заедницата на српските општини, Курти тврди дека српскиот претседател Александар Вучиќ „се уште бара територијален етнонационализам“.

„Во суштина тој би ја користел Заедницата на српски општини како нова Република Српска. Од друга страна, се надевам дека кога ќе ги отвориме преговорите, потпирајќи се на предлогот на ЕУ, ќе ја зголемиме довербата, бидејќи договорите не можат да се спроведат ако нема доверба, затоа ни треба одредено ниво на искреност“, рече Курти.

Според косовскиот премиер, потпишувањето на договорот и неговото спроведување на Балканот се две различни планети и треба да се „донесат на ист континент“.

„Србија не примени две третини од договорите потпишани во Брисел во претходните децении“, тврди Курти.

Тој рече дека актуелниот предлог на ЕУ во својата преамбула ќе се однесува на „националните малцинства“ и на „универзалните концепти“ како независност, територијален интегритет, суверенитет, реципроцитет, човекови права, демократија, владеење на правото и самоопределување.

„Тоа што ме прави оптимист е фактот што во овој предлог се користат одредени универзални концепти и термини, за разлика од деценијата пред да дојдам на власт, каде што 33 договори повеќе се засноваа на идеологијата за решавање на проблемите“, рече Курти.

Според него, претходните предлози биле премногу сложени и детални и затоа било тешко „да се продадат на јавноста“, додека последниот има само едрн голем камен на сопнување, а тоа е формирање моноетничко здружение.

„Треба да се има предвид дека имате национални малцинства на целиот Балкан, а нивните права не можат да бидат идентични. Но, без оглед на тоа, ние нема да ги создадеме овие нерамнотежи, кои стануваат извор на дополнителни тензии“, рече тој. (МИА)

ИЗВОР: kurir.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Мисијата на ОБСЕ во Скопје и Академијата за судии и јавни обвинители потпишаа Меморандум за разбирање

Следно

Папата Франциск кон крајот на април ќе ја посети Унгарија

Latest from Blog

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи

Не дозволувајте да изгубите пари при откупот: СЕКЕ со важни совети за правилно пакување на тутунот

Со почетокот на сезоната за откуп на тутунот, компанијата СЕКЕ упати важни препораки до тутунопроизводителите за правилно пакување и чување на произведениот тутун, со цел да се зачува неговиот квалитет и да

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,
Go toTop