Основниот суд во Приштина го казни косовскиот премиер Албин Курти со 250 евра затоа што не се појавил пред Специјалното обвинителство (СПК) да сведочи во врска со случајот со државните резерви, пренесоа косовските медиуми.
На 4 март, приштинскиот суд издаде наредба Курти да се појави пред Обвинителството и да сведочи за случајот со државните резерви, но тој не ја испочитувал одлуката на судот.
Обвинителството трипати го повика Курти да даде исказ, но тој не реагираше, па се обрати до Судот.
Обвинителството побара Судот да донесе пресуда со која ќе се наложи сведокот Курти да се појави во просториите на Специјалното обвинителство за да даде исказ.
Судот го прифатил барањето на Обвинителството, но Курти не ја испочитувал одлуката на судот и поради ова е казнет со 250 евра.
Понатамошното непочитување на одлуката на судот може да доведе до тоа Курти повторно да биде казнет, а доколку не се појави пред обвинителството, ќе се соочи со закана од присилен притвор.
Доколку сепак не одговори на прашањата на обвинителството, може да биде осуден на 30 дена затвор.
Извор: kurir.mk
