Është marrë vendim historik për themelimin e një shkolle të re fillore komunale në vendbanimin Vizbeg të Shkupit! Kështu ka shkruar sot në profilin e tij zyrtar kryetari i komunës së Butelit Darko Kostovski.
Sipas Kostovskit sot gjatë mbledhjes së këshillit të komunës së Butelit janë marrë disa vendime të rëndësishme, ndër të cilat themeli i shkollës fillore ishte një nga më të rëndësishmet pasi që bëhet fjalë për përmirësimin e cilësisë së arsimit.
“Vendim për themelimin e shkollës së re fillore komunale që do të mbajë emrin “Vizbeg” në vendbanimin Vizbeg të Shkupit po në Butel. Shkolla fillore “Vizbeg” do të organizojë dhe realizojë arsimin fillor nëntëvjeçar, në pajtim me Ligjin për arsimin fillor. Më në fund, pas shumë vitesh premtime, Vizbegu do të ketë shkollën e saj fillore komunale”, ka shkruar Kosotovski.
Kryetari i komunës së Butelit Darko Kostovski po në këtë postim gjithashtu ka shkruar se këshilli i Komunës me të cilën ai udhëheq po punon dhe po merr vendime në interes të të gjithë qytetarëve të Butelit.
