Разговорот беше фокусиран на индустриските приоритети, вработувањето, развојот на техничкиот кадар и долгорочната конкурентност на македонската економија
Кромберг и Шуберт денеска беше домаќин на претседателот на Владата, Христијан Мицкоски, во рамки на работна посета на производствениот погон на компанијата во Битола, лоциран во Индустриската зона Жабени.
За време на посетата, премиерот Мицкоски се сретна со д-р Жељко Матијевиќ, главен извршен директор на Групацијата Кромберг и Шуберт, Георги Тренкоски и Влатко Цековски, менаџери на фабриката во Битола, како и со членови на менаџерскиот тим на компанијата. На посетата присуствуваше и градоначалникот на Општина Битола.
Разговорот беше насочен кон индустриските приоритети, производствените операции, тековните активности на компанијата, човечкиот капитал, техничкото образование, инфраструктурата и условите неопходни за обезбедување на долгорочната конкурентност на македонскиот индустриски сектор.
Кромберг и Шуберт е најголемиот индустриски работодавач во државата. Присуството на компанијата во Битола и Пелагонискиот регион има клучна улога, не само преку отворање на илјадници директни работни места, туку и преку придонесот кон локалната економија, семејните приходи, транспортот, услужниот сектор, образованието, развојот на кадар и деловната заедница.
Компанијата, исто така, игра значајна улога во зајакнувањето на македонските извозни перформанси. Како дел од глобалната автомобилска индустрија, Кромберг и Шуберт произведува висококвалитетни автомобилски компоненти за извоз и е еден од водечките индустриски извозници во земјата.
За време на средбата беше истакнато дека фабриката во Битола продолжува да работи успешно. Овој напредок уште еднаш ја потврдува важноста на фабриката како составен дел од глобалната производствена мрежа на Кромберг и Шуберт и како значаен фактор за македонската економија, извоз и пазар на труд.
Во текот на разговорите, исто така, беше нагласено дека стабилното работење на фабриката бара континуирани инвестиции во кадарот, знаењето и организацијата, како и блиска соработка со јавните институции. Посебен акцент беше ставен на потребата од развој на висококвалификуван технички кадар кој ќе може да одговори на променливите барања на современата автомобилска индустрија.
Во рамки на посетата, делегацијата ги обиколи производствените капацитети. Премиерот Мицкоски имаше можност од прва рака да се запознае со производствените процеси на компанијата, оперативните стандарди и важната улога што вработените ја имаат во секојдневното работење на фабриката. Тој, исто така, директно разговараше со вработени вклучени во производствениот процес.
Кромберг и Шуберт ја смета посетата за важна можност за директен дијалог меѓу Владата и бизнис-заедницата за прашања од заедничко значење за компанијата, производствената индустрија, работната сила, државата и Пелагонискиот регион.
Компанијата останува посветена на одржување стабилно производство, поддршка на своите вработени и континуиран придонес кон индустрискиот развој и извозните перформанси на државата.
