Кривична за скопјанец – лажел дека е вработен во Армија

39-годишен скопјанец заработи кривична пријава затоа што лажно се претставувал како вработен во Армијата на Република Македонија.

-Единицата за економски и компјутерски криминал при СВР Скопје поднесе кривична пријава против С.С.(39) од Скопје поради постоење основи на сомнение за сторени кривични дела „лажно претставување” по член 391 и „фалсификување исправа” по член 378 од Кривичниот законик, информира МВР.

Како што соопшти МВР, на 25.06.2022 во Скопје, при легитимирање од страна на полициски службеници, пријавениот лажно се претставил дека е вработен во Армија на Република Македонија и притоа употребил лажна службена легитимација.