Мостот „Керч“, што го поврзува полуостровот Крим со Русија носи војна, а не мир и затоа е воена цел, порача претседателот на Украина Володимир Зеленски. На форум за безбедност кој се одржа во Аспен кажа дека тоа е легитимна воена цел која треба да се неутрализира.
„Тоа е рута што се користи за хранење на војната со муниција и тоа се прави секој ден. Го милитаризира Крим. За нас тоа е разбирливо непријателски објект изграден надвор од меѓународните закони и сите важечки норми. Значи, разбирливо, тоа е цел за нас. И секоја цел што носи војна, а не мир, мора да биде неутрализирана“,
рече Зеленски.
Во експлозиите во понеделникот на мостот загинаа двајца цивили беше онеспособен дел од коловозот, што неодамна се врати во целосна функција откако беше тешко оштетен во сличен напад во октомври.
Украина го поздрави нападот од понеделникот, но властите директно не ја презедоа одговорноста.
Извор: 360stepeni.mk
