Претходно неколку канали на Телеграм и на Твитер објавуваа дека Путин наводно ја напуштил Москва во една од неговите резиденции во друг регион, но оваа информација не е потврдена од независен и кредибилен извор
Путин работи во Кремљ. Ова е насловот на веста на државната руска агенција РИА новости, по серијата непотврдени информации дека авионот на Владимир Путин полетал на север и се изгубил од радарот, додека во земјата руската армија се соочува со вооружен бунт на борците од приватната војска „Вагнер“ на Евгениј Пригожин.
Претседателот работи во Кремљ, изјавил за РИА, Димитриј Песков, портпарол на рускиот претседател.
Претходно неколку канали на Телеграм и на Твитер објавуваа дека Путин наводно ја напуштил Москва во една од неговите резиденции во друг регион, но оваа информација не е потврдена од независен извор.
Западни медиуми јавуваат дека борците на Пригожин го контролираат Ростов на Дон, град со повеќе од еден милион жители во близина на границата со Украина и брзо напредуваат низ западна Русија.
Репортер на Ројтерс видел воени хеликоптери како отвораат оган врз вооружениот конвој „Вагнер“, кој напредувал покрај градот Воронеж со транспортери и со најмалку еден тенк на камион со рамна платформа.
Пригожин, чија приватна војска ги водеше најкрвавите битки во Украина, со месеци се караше со руското воено раководство.
Во Москва е зголемена безбедноста на улиците. Црвениот плоштад е блокиран со метални бариери.
ПОВРЗАНИ ВЕСТИ
Извор: 360stepeni.mk
