„Коки, чао“, краткиот еспериментален документарец за 67-годишниот какаду папагал што зборува чиј поранешен сопственик бил лидерот на Југославија Јосип Броз-Тито, ја освои наградата за филмска режија КУПРА на Берлинале, што завршува вечерва. Холандскиот 11-минутен филм на режисерот и сценарист Квентон Милер во косценарио со папагалот Коки и Мишо Антаџе, за главен лик го има папагалот како негова централна креативна фигура.
Коки беше дел од пакетот за дипломатија и забава на островите Бриони, место на летната резиденција на Тито и клучна локација за време на Движењето на неврзаните. Шоуто на Коки сè уште продолжува на Бриони каде што е затворен во кафез за јавен приказ за туристите. Филмот со снимки направени со Коки во текот на четири години и претходно невидени снимки и слики од државните архиви, спојува фрагменти од животот на Коки на Бриони за време на државните посети на политичките фигури, меѓу кои и Никита Хрушчов, Сукарно, Чаушеску и Индира Ганди, како и познати личности како Орсон Лорсон.
Филмот имаше светска премиера во селекцијата за кусометражни филмови на годинешното Берлинале.
ИЗВОР: sdk.mk
