Кошаркарите на Кожув во неизвесен натпревар во Гевгелија триумфираа над Работнички со 81-79 во еден од двата натпревари кои вечерва беа на програмата во рамки на 11. коло во Првата македонска кошаркарска лига.
За Кожув ова беше трета победа во серија со која екипата од Гевгелија се искачи на четвртото место на табелата.
Претходно денеска во дербито на врвот, Пелистер во воведниот натпревар од 11. коло беше поуспешен на домашен терен од ТФТ со 91-82, нанесувајќи му го на актуелниот лидер вториот пораз оваа сезона.
Преостанатите три натпревари од ова коло на програмата се утре, а се среќаваат Гостивар – Чаир, Тиквеш – МЗТ Скопје Аеродром и Феникс – Шкупи.
Извор: kurir.mk
