реклама
ВМРО-ДПМНЕ ми наликува на папагал. Нив што и да ги прашате велат избори. Колку е саат да ги прашате – велат избори. Имате ли план – избори. Што ќе правиме после избори – избори. Тоа го правеа 11 години, избори по избори имавме и и државата не мрдна ниту еден милиметар, изјави премиерот Димитар Ковачевски.
Според Ковачевски, ако ги погледнете позициите на ВМРО-ДПМНЕ во моментот, не може да најдете ниту еден европски или американски политичар кој стои на тие позиции.
реклама
– Има само еден политичар во ЕУ којшто ги брани позициите на ВМРО-ДПМНЕ, а тоа е Никола Груевски од Унгарија. Тој е единствениот политичар кој ги брани нивните позиции и затоа сметам дека ова е исклучително важен процес, затоа и толку е вниманието на јавноста насочено, затоа е и толкава посветеноста на сите политички партии, се со цел да донесеме одлука која конечно Северна Македонија ќе ја стави неповратно на патот кон интеграција во ЕУ, нормално заедно со државите коишто веќе преговараат, бидејќи доколку не ги донесеме одлуките ќе ни се повтори тоа што ни се случи во 2008 година и Србија, и Албанија и Црна Гора ќе отидат пред нас, а ние ќе останеме во друштво со Босна и Херцеговина и со Косово, изјави Ковачевски, одговарајќи на новинарски прашања по денешната посета на Регионален центар за стручно образование и обука „Киро Бурназ“ во Куманово.
Оваа политика на интеграција, според Ковачевски покажува какви резултати може да има позитивни ефекти врз граѓаните, врз државата и врз животниот стандард и затоа треба по тој пат да продолжиме.
реклама
– Друга алтернатива нема, нагласи Ковачевски.
Ковачевски, меѓу другото, посочи дека интеграциските политики коишто ги води оваа Влада покажува економски перформанси.
реклама
– Бројот на вработени во мандатот на оваа Влада е намален за 52 проценти, бројот на вработени само во една година е зголемен за 9,5 проценти, бројот на работни места коишто се платени над просечната плата расте. Ако со нешто се фалеа тоа беа 360 милиони евра странски директни инвестиции во 2016 година, минатата кризна година беа 760 милиони евра странските директни инвестиции. Се фалеа со бројот на вработени во странските економски зони, во 2016 година вкупниот број на вработени во странските економски зони беше шест илјади вработени, денеска се 17.500 вработени со плати дупло и повеќе повисоки од тоа време. Што значи дека таа политика која 11 години се водеше даде само непосакувани резултати, изјави Ковачевски.
реклама
