Кога С Македонија ќе стане полноправна членка на Европската унија, ќе ги собереме пасошите на македонските граѓани од другите држави од кои се земени бидејќи повеќе нема да им требаат, рече премиерот Ковачевски на прес-конференција во Владата по денешната собраниска седница за уставни измени
Премиерот Димитар Ковачевски придружуван од сите министри во Владата на С Македонија, на прес-конференција во владиниот прес центар рече дека денешниот ден донел два заклучоци. Првиот е дека процесот за уставни измени е започнат со изгласнување на дневниот ред, а вториот и многу поважен е дека денеска станало кристално јасно кој сака С Македонија да стане просперитетна држава, а кој сака да ја блокира европската иднина на земјата.
„Денеска се потврди дека Владата и коалиционите партнери се единствените кои и мислат добро на државата и на граѓаните за влез во Европската унија. Се потврди дека единствената идеологија на ВМРО-ДПМНЕ е блокада и изолација и проевропските граѓани на С Македонија тоа нема да го заборават ниту пак да го простат”,
рече Ковачевски.
Ковачевски рече дека опозициската ВМРО-ДПМНЕ не покажа ниту еден аргумент и причина за да се блокира процесот на уставни измени, туку само покажале дека тие со голема леснотија се спремни да ја блокираат европската иднина само за лични цели. Тој вели и дека нивната проевропската влада ќе направи се за да ја тргне блокадата кон патот на ЕУ и нема да дозволи иднината на граѓаните да биде блокирана од ВМРО-ДПМНЕ.
„Ако тие не знаат да дебатираат дома, како да очекуваме дека ќе аргументираат и дебатираат надвор со меѓународна заедница. Нивна цел е да не преговараат за нов договор, туку да блокираат, но сега нема простор за манипулација од страна на ВМРО-ДПМНЕ”,
вели Ковачевски.
Премиерот во своето излагање кажа и дека македонсите граѓани заслужуваат да живеат во европска Македонија, а не да живеат во земјите членки на унијата со пасоши од други држави, па затоа, кога Македонија ќе стане дел од унијата, Ковачевски рече ќе ги соберел сите пасоши на македонските граѓани од странските земји и ќе ги врати бидејќи повеќе нема да им бидат потребни затоа што европската иднина ќе можат да ја градат дома.
„ Граѓаните сакаат подобри услови, економски напредок, социјална правда, подобар живот и вредности кои само ЕУ и САД ги имаат. С Македонија практикува европски вредности и заслужува да биде дел од ЕУ. Пред нас е неповторлива шанса за забрзување на еворпскиот пат, бидејќи тоа е нашата иднина”,
изјави премиерот.
ИЗВОР: 360stepeni.mk
