Градоначалникот на Општина Бутел, Дарко Костовски, информира дека полицијата фатила на дело две лица додека се обидувале да ја оштетат и да ја исечат новата ограда на детската градинка која неодамна е изградена во населбата Бутел 1.
Костовски изрази огорченост за овој неодговорен чин и му се заблагодари на новиот командир на полициската станица во Бутел за брзата и ефикасна реакција.
Тој по овој повод упати апел до граѓаните да ги чуваат новите јавни инвестиции, нагласувајќи дека „Општина Бутел се менува и овие инвестиции треба да ги зачуваме за нашите деца“.
Полицијата продолжува со истрагата за целосно расчистување на случајот.
