Градоначалникот на Општина Бутел, Дарко Костовски, го соопшти именувањето на Шерафедин Абдурамани за вршител на должност директор на ООУ „Лиман Каба“. Абдурамани, кој има долгогодишно искуство во образованието, се очекува да ја продолжи патеката на развој на ова училиште, а градоначалникот Костовски му посака многу успех во новата функција.
Костовски исто така изрази благодарност за досегашната успешна соработка со поранешната директорка Ајфер Дибрани, потенцирајќи дека Бутел останува општина која ги почитува и поддржува сите граѓани, без разлика, и работи за поквалитетно образование за секое дете.
