реклама
Контролорите на летање го сметаат за терористички чин вчерашниот упад во зградата на М-НАВ. Вчера неколку вработени биле физички нападнати, меѓу кои и контролор на летање и тоа на работно место.
„Влез на неовластени лица во забранета и заштитена зона, воздухопловна зона, е чист терористички чин по сите светски норми и закони“, е заклучокот на контролорите и останатите колеги инженери, инструктори, технички и друг персонал во М-НАВ.
реклама
Контролирите на летање и останатите колеги инженери, инструктори и друг персонал, вчера донеле отлука ако не поднесат оставка тројцата директори на МНАВ и ако Владата не ги разреши, од среда почнуваат со генерален штрајк.
Синоќа тие ги донеле следниве заклучоци:
реклама
- Да се расчисти случајот до детал и одговорност да понесат сите вмешани, како од внатре во М-НАВ, така и лицата однадвор, кои насилно упаднале во зградата и натепале и повредиле вработени, меѓу кои и контролор на летање.
- Итно целото раководство, односно Управниот одбор на М-НАВ составен од тројца директори на чело со Фахрудин Хамиди, да си поднесат оставка од морални причини, бидејќи докажале дека не се способни да ја водат, а особено да ја осигураат безбедноста на Агенцијата.
- Се договориле дека ако не си поднесат оставка на функциите, Владата мора да ги разреши на седницата во вторник.
- Ако тоа не го стори Владата, од среда почнува генерален штрајк, целосно се затвора небото за сообраќај.
МВР соопшти дека од синоќа натаму останува да ја чува М-НАВ. Полицијата трага по уште четворица од напаѓачите.
реклама
