Коњановски: Го менуваме начинот на управување со отпадот во целиот регион

October 8, 2026
1 min read

Градоначалникот на Битола, Тони Коњановски, денеска учествуваше на втората работна седница на Меѓуопштинскиот одбор за управување со отпад на Пелагонискиот и Југозападниот плански регион, на која беше презентирана нацрт-верзијата на Регионалниот план за управување со отпад.

Седницата ја отвори претседателот на Меѓуопштинскиот одбор и градоначалник на Новаци, Стевче Стевановски, а на средбата присуствуваа градоначалници и претставници од општините од двата региона.

Коњановски во воведното обраќање ја истакна важноста на регионалниот пристап во управувањето со отпадот, посочувајќи дека воспоставувањето функционален систем ќе бара заедничка работа и координација меѓу сите институции, општини и граѓани.

„Пред нас е една сериозна промена во начинот на кој управуваме со отпадот во целиот регион. Тоа ќе значи подобри услуги за граѓаните, почисти и побезбедни заедници и подобра заштита на животната средина“, истакна Коњановски.

Тој посочи дека регионалниот план не треба да се гледа само како документ, ниту пак регионалниот систем само како изградба на инфраструктура и набавка на опрема.

„Инфраструктурата сама по себе не може да го реши проблемот со отпадот. Новиот систем ќе биде целосно функционален само кога инфраструктурата, услугите кои се нудат, ние како институции и општини, и секако граѓаните кои го користат системот ќе работиме сите заедно кон остварување на заедничка цел“, рече Коњановски, нагласувајќи ја важноста на меѓуопштинската соработка.

На работната седница беше презентирана нацрт-верзијата на Регионалниот план за управување со отпад, како и комуникациските аспекти и начинот на вклучување на јавноста во процесот.

Претставници на Министерството за животна средина и просторно планирање и на САЛАР Интернационал ги презентираа активностите поврзани со регионалниот центар за управување со отпад и обиколниот пат во Новаци, претоварните станици, набавката на возила и опрема, методологијата за утврдување на новите тарифи за отпад, како и формирањето регионално комунално претпријатие.

Разгледани беа и обврските на општините и останатите активности поврзани со воспоставувањето на новиот регионален систем за управување со отпад.

Работата на Меѓуопштинскиот одбор е поддржана преку проектот „Одржливо управување со отпадот на локално ниво“, финансиран од Шведска и спроведуван од САЛАР Интернационал.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

​Trepça drejt normalizimit, aktivizohen pompat pas ndërprerjes së rrymës

Следно

ОБЈАВЕНА ИТНА ВЕСТ ЗА НАФТАТА! Хаос на светските берзи

Latest from Blog

„Булмак 2016“ со четиригодишен проект за развој на детскиот спорт во Пробиштип

Спортот има клучна улога во правилниот психофизички развој на секое дете. Преку иницијативата Кошарка за секое дете во Пробиштип веќе се создаваат нови можности за најмладите да спортуваат бесплатно и да градат

Тоневски: Четвртоодделенците од „Никола Карев“ поставуваа прашања за работата на Општина Пробиштип

Ученици од четврто одделение при ООУ „Никола Карев“ ја посетија Општина Пробиштип и одблизу се запознаа со работата на градоначалникот, општинската администрација и надлежностите на локалната самоуправа. Во разговорот со градоначалникот Тони

МЕПСО инвестира во иднината на енергетиката: Се подготвува зајакнување на мрежата во југоисточниот регион

АД МЕПСО продолжува со реализацијата на стратешките активности за модернизација на електроенергетската инфраструктура во Македонија. Денеска генералниот директор на компанијата, доц. д-р Бурим Љатифи, потпиша договор со Никола Битрак, извршен директор на

Проданоски: Обезбедивме 10 телевизори за собите во Домот „Киро Крстески – Платник“

За собите во Домот за стари лица „Киро Крстески – Платник“ во Прилеп се обезбедени 10 нови телевизори во соработка со Тутунскиот комбинат АД Прилеп, соопшти градоначалникот Дејан Проданоски по посетата на

Коњановски: Битола и Турција ќе ја продлабочуваат соработката во економијата, културата и туризмот

Градоначалникот на Битола, Тони Коњановски, денеска се сретна со новиот турски амбасадор во Македонија, Алпер Акташ. Во фокусот на разговорот беа можностите за продлабочување на соработката во економијата, културата и туризмот. Коњановски
Go toTop