Кој прифатил уставни измени, а кој го замајува членството – партиите со нови преписки

June 11, 2023
2 mins read

ВМРО-ДПМНЕ бара владејачкиот СДСМ да каже кој од двата предлози на Мицкоски е прифатлив или во спротивно само ќе го замајува членството. Социјалдемократите, пак, велат дека лидерот на опозициската партија јасно пред македонската јавност кажал дека прифаќа уставни измени и порачуваат дека сега дијалогот треба да продолжи за тоа како заеднички да се изведат уставните измени

Уставните измени веќе неколку дена се главна тема во партиските преписки откако за ова на лидерска средба во средата (7 јуни) разговара премиерот и претседател на СДСМ Димитар Ковачевски и лидерот на ВМРО-ДПМНЕ Христијан Мицкоски.

ВМРО-ДПМНЕ и денеска повика социјалдемократите да кажат кои од двата предлози што ги дал Мицкоски се прифатливи за нив бидејќи во спротивно нема потреба од преговори.

„Ковачевски да не манипулира со своето членство, и со граѓаните, да се охрабри и да каже кој предлог го прифаќа:

1. Одложено важење на уставните измени кога Македонија ќе стане членка на ЕУ и преодна влада без ДУИ;

2. Избори на есен, гаранции од ЕУ институциите за македонскиот многувековен идентитет, пакет помош од Европската Комисија за македонската економија и граѓани и барање до Бугарија да имплементира барем три пресуди од ЕСЧП поврзани со Македонците во Бугарија. И по изборите партијата која ќе биде опозиција да ја поддржи владата и државата во спроведување на овие чекори“,

наведуваат од ВМРО-ДПМНЕ.

Ковачевски, повикуваат, да каже кој од овие два предлози го прифаќа или во спротивно попусто троши време за состаноци и замајување на сопственото членство.

Од СДСМ, пак, потсетуваат дека Мицкоски јавно, на прес-конференција, пред целата македонска јавност прифатил уставни измени.

„Прифаќањето на уставните измени и промената на ставот на ДПМНЕ се добра основа, а сите барања на најголемата опозициска партија беа прифатени. Сега дијалогот треба да продолжи, сега може да се разговара како заеднички да се изведат уставните измени, неопходни за продолжување на европскиот пат. Потребно е широко обединување за интеграција на државата. Членството во ЕУ е стратешка цел на државата, врвен приоритет на генерации македонски граѓани и оттаму, обврска на сите политички субјекти е да се реализира таа национална и стратешка цел“,

велат од СДСМ.

Одлуката, нагласуваат од владејачката партија, не се носи заради моментален политички рејтинг и не е заради една партија или група поединци, туку е одлука за сите граѓани кои заслужуваат да живеат во држава членка на ЕУ.

За потсетување, една од понудите на Ковачевски на лидерската средба беше да се изгласа отворање на Уставот и веќе наредниот ден ВМРО-ДПМНЕ да влезе во влада, а СДСМ да ѝ отстапи пет од своите 10 места на Илинденска бр. 2. Ваквата влада, предложи премиерот, ќе го спроведе процесот на уставни измени, ќе го заврши скрининг-процесот кој е во тек, ќе ги отвори поглавјата од преговорите, а зависно од динамиката може и да затвори едно или две поглавја. Уставните измени, пак, понудил лидерот на СДСМ, да важат од моментот на одржување на втората меѓувладина конференција која е закажана без никакво одложување.

Мицкоски на ова возврати првиот предлог кој денеска го наведуваат во партиското соопштение – ДУИ да не е во таа влада, а уставните измени да важат откако во парламентите на земјите членки на ЕУ ќе почне ратификацијата на пристапниот договор на земјава во Унијата.

Додека ВМРО-ДПМНЕ инсистира владејачката партија да каже што е прифатливо, во СДСМ се одржаа состаноци на Централниот и Извршниот одбор на партијата на кои се формираа работни групи за да ги продолжат преговорите со опозициската партија.

ДУИ, пак, чие неучество во владата е еден од условите на Мицкоски, веднаш по лидерската соопшти дека се согласува да го исполни тоа. Но, нејзиниот став е да излезе од Владата откако ќе се изгласаат и ќе стапат на сила уставните измени. Ова вчера интегративците го реафирмираа и на состанок на Централното претседателство на партијата.

„ДУИ, преку едногласна одлука на Претседателството, го реафирмираше ставот за подготвеноста на партијата веднаш да се постигне договор со кој опозицијата ќе ги поддржи уставните измени кои би влегле во сила пред одржувањето на Втората меѓувладина седница со Европската Унија, а ДУИ ќе поддржи преодна Влада без нејзино учество до наредните избори“,

рекоа вчера од ДУИ.

ИЗВОР: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

БЛАЖЕ МИНЕВСКИ ГО ДОБИ РАЦИНОВОТО ПРИЗНАНИЕ ЗА РОМАНОТ „АКО СЕ РОДАТ НЕКАКВИ ЧУВСТВА“

Следно

Ердоган задоволен: Успешно го организиравме финалето од Лигата на шампиони

Latest from Blog

Коњановски: Во 2027 година се планира пуштање делница од 12 километри на автопатот Прилеп–Битола

Делница од 12 километри од автопатот Прилеп–Битола е планирано да биде пуштена во сообраќај во 2027 година, а до крајот на 2028 година да бидат асфалтирани вкупно 28 километри. Ова било најавено

Проданоски: Потенцијалот на младите да го претвориме во дела за Прилеп

Повеќе од 200 млади од Прилеп учествуваа во симулација на Европскиот парламент, преку која се запознаа со функционирањето на европските институции, носењето одлуки и значењето на демократската дебата. Градоначалникот Дејан Проданоски ја

Божиновска: Македонија е дел од трансатлантскиот дијалог за енергетска безбедност

Министерката за енергетика, рударство и минерални суровини, Сања Божиновска, на 18 и 19 ноември ќе учествува на Седмиот состанок на Партнерството за трансатлантска енергетска соработка (P-TEC) во Варшава, Полска, организиран во соработка

Коњановски: Гласот на младите треба да се преточи во конкретни локални решенија

Триесет средношколци од Битола развија проектни предлози за решавање проблеми во својата заедница, во рамките на проектот ЛАПСИ – Локални активни платформи за социјални иновации. На денешната работилница тие ги финализираа идеите

Општина Прилеп: Втор повик за поддршка на семејствата со првачиња во учебната 2026/2027 година

Општина Прилеп објави втор јавен повик за доделување еднократна парична помош на семејствата со деца запишани во прво одделение во учебната 2026/2027 година. Повикот е наменет за родителите кои не аплицирале во
Go toTop